Serchhip MJA-in inkhawmpui hmang
Mizoram Journalists’ Association Serchhip District chuan Zirtawpni khan Serchhip Press Club-ah annual conference an hmang a. Bawrhsap Paul L. Khuma’n a hmanpui.
Tunlai khawvelah electronic device leh social media revolution a thleng a, hmang tangkai turin bawrhsap chuan journalist-te a chah. A hun laia ri hluai buaipui a, a laklawha tawpsan mai loin, an thuziah a chhiartu mipui tan a tangkai zawkna turin a tawp thlenga chhuizui peih thin turin a chah bawk.
Serchhip MJA leh district administration in thawhhona tha tak an nei chu lawmawm a tih thu leh, inzahtawn leh induhsaktawn takin tun thlengin an thawk ho nia a hriat thu a sawi a ni.
Hmanpuitu dang DIPRO Serchhip Lalnunmawii chuan information dik leh belhchian dawl pek chu journalist-te mawhphurhna a ni, tiin, mipui sawrkar democracy-ah chuan ram hruaitute khalhngiltu pawimawh tak an ni tih inhria a, taima lehzual turin a fuih a ni.
Annual conference hi MJA Gen. Hqrs. atangin vice president C Lalhmachhuana hoin an hmanpui a. MJA Serchhip District president C Lalhminghlua’n president a nih anga thu a sawi bakah tunhnaia an member, pension-a chhuak ta RC Hranghmingthanga (Zawlbuk Aw) Thenzawl thlahna thuziak a hlan a ni.
Session hnihna chu hmeichhiate dikna leh chanvo humhalh chungchanga hriat tur tul inhrilhna atan hman a ni.
Serchhip MJA-in inkhawmpui hmang
Get real time updates directly on you device, subscribe now.
Next Post