Serchhip district-ah Krismas leh kumthar vuakvetah halpuah, halmawi, sky lantern leh silai lem a mu nei chi khap a ni.
District magistrate-in thupek a tihchhuahah halpuah leh halmawi hian nasa takin mihring hriselna a tichhe theiin, boruak a tihchhiat leh tih bawlhhlawh bakah ri bengchheng a siam a, silai lem a mu nei chi hian mihring piansualna a thlen tak fo bakah tul loa sum khawhralna a ni a. District mipuiin hriselna tha tak kan neih theih nan leh sum kan khawhral loh nan heng hunpui hlim tak leh thlamuang taka kan hman theih nan danin thuneihna a pek angin hengte hi zawrh leh hman khap a ni tih a sawi.
Thupek zawm lo chu Section 188 IPC hnuaiah dan hmanga hrem an ni anga, thupek hian 2023 December 6 atanga thla hnih chhung a huam dawn tih a sawi.
Serchhipah halpuah khap
Get real time updates directly on you device, subscribe now.
Prev Post