S. Tuipui MLA tharin mipuiah lawmthu sawi

South Tuipui MLA-a thlantlin Jeje Lalpekhlua chuan lawmthu sawina a tichhuak.
South Tuipui bialtu MLA thar Jeje Lalpekhlua hian inthlanpui tluang taka zawh a ni leh an party hruaitute duhsaknaa ZPM official candidate a ni tem Pathian leh bial mipui zarah MLA atana thlantlin a ni chu a lawm takzet tih a sawi.
“Hetiang dinhmun ka thlen theihna atana thahnemngai taka hun, tha, sum leh pai tam tak sengtu, Block leh Unit bakah Zonu leh Thalai, bial chhung leh pawn atanga theihtawp min chhuahpuitu zawng zawng hnenah lawmthu ka sawi a ni,” a ti.
Campaign chhunga sawisual leh mi rilru tihnat an lo nei palh a nih chuan ngaihdam a dil tih a sawi a. An thutiam leh hmachhawpte tha taka a thawh chhunzawm theihna turin finchhuah a, thawhpui turin a ngen tih a sawi a ni.
“Kan ramah kalphung thar mipui sawrkar kan dinna turah theihtawp chhuaha min thawhpui a, min tawngtai pui reng turin bial mipui ka sawmin ka ngen a ni,” Jeje Lalpekhlua hian a ti.