Serchhip District Institute of Education & Training (DIET) chuan Zirtawpni khan district bawrhsap Nazuk Kumar leh MJA Serchhip District president C Lalhminghlua hoin “Lehkhabu Chhiar Ni” an hmang.
-- Advertisement --
Bawrhsap chuan zirlaite chu lehkhabu chhiar tamin an zirlaiah nasa takin a pui dawn tih sawiin, lehkhabu chhiar tam chuan ziakmite pawh nasa takin a pui thin tih a sawi a. Nitin lehkhabu phek khat chhiara bul tan thar leh theuh turin a sawm.
Serchhip MJA president chuan tunlai khawvelah miin lehkhabu aia phone an en nasat tak zawk avangin thil tangkai luhchilh bik an nei loa, hei hian mi a tichhe thei tih a sawi a. Naupang tan huai viau emaw hun hman nawm viau emaw tum chu a pawimawh ber lo a, lehkha chhiara zir tam chuan dinhmun sang takah a la vawrh zawk dawn, tiin, uar taka lehkhabu chhiara zir turin zirlaite a chah.
Serchhip DIET tuala “Lehkhabu Chhiar Ni” buatsaihah hian zirlaite puitu lehkhabu tha tak tak bakah thawnthu bu thahnem tak chhawpchhuah a ni a. DIET zirlaite leh thawktute bakah Govt. Serchhip Chandmari Middle leh Primary School zirlaite, zirtirtute, leh Serchhipa chanchinbumiten lehkhabu hi an chhiar a ni.