Serena fa pahnihna phochhuak

Tennis great Serena Williams chuan tunkar Thawhlehni daih tawh khan a fanu pahnihna chu social media lamah polangin, he naute hming hi Adira River Ohanian a ni a, a hmain pasal Alexis Ohanian hi fanu bawk Olympia a lo hrinsak tawh a, tunah kum li mi a ni mek.
TikTok kaltlanga an naute thar telna an chhungkaw video a tarlanah Williams hian, “Welcome my beautiful angel,” tiin caption a dah.
A pasal Ohanian pawhin messa-ging platform chi khat, tunhma lama Twitter tih thin, X lo ni taah post siam ve bawkin, a naute thar chuan an chhung-kua a tihhlim thu leh nu ber pawh a that thu a sawi a, chhungkaw boruak fuh takin a tuam vel mek niin a tarlang.
Nikum US Open zawh atang khan 23-time Grand Slam champion hi tennis atangin a kalbo ta rih a, kumin May thla New York khaw Met Gala red carpet-ah an naute pahnihna tur an nghah mek thu a lo sawi tawh a ni.
Kum 41 mi ni ve ta Serena hian grand slam singles title lak tam kawng-ah record hmabak laklawh tak la nei bawk mah se competitive tennis-a a kir leh mai beiseina a sang vak rih lo.