Shaboozey ‘A Bar Song (Tipsy)’ a la Hot ber

Shaboozey ‘A Bar Song (Tipsy)’ a la Hot ber
Shaboozey hla hit, he chart-a a hla No.1 kai thei hmasa ber ‘A Bar Song (Tipsy)’ chu Billboard Hot 100 (singles) chart-ah a No.1 leh a, tihian kar 15 a No.1 tling ta a, Billboard Hot 100 history, kum 66 chhunga he chart-a kar 15 chin No.1 thei hla parukna a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tena pawimawh a ni.
Shaboozey ‘A Bar Song (Tipsy)’ hian radio airplay-ah ngaithlatu maktaduai 74 a la nei thei a, stream maktaduai 24.9 leh sales 6,000 a la tling thei bawk a, hei hi a kar 15 nan chart-ah a No.1 pui leh ta a ni.
‘A Bar Song (Tipsy)’ hian 2020s-a he chart-a No.1 nih reiah kar 15 bawk No.1 thei Harry Styles ‘As It Was’ a nih rual ta a, 2023-a kar 16 No.1 Morgan Wallen ‘Last Nigt’ chiah a pha lo. Mahse, Hot 100 chart-ah hian 2020s hmalam pawh lak tel chuan No.1 ni rei thei ber chu Lil Nas X feat. Billy Ray Cyrus ‘Old Town Road’ niin, 2019 khan kar 19 a No.1 a, ‘Last Night’ bakah kar 16 No.1 thei hla dang pahnih ‘Despacito’ Luis Fonsi & Daddy Yankee feat. Justin Bieber (2017) leh ‘One Sweet Day’ Mariah Carey & Boyz II Men (1995-1996) a awm bawk.
Billie Eilis ‘Birds of a Feather’ chu No.2-ah bawk awm lehin, Sabrina Carpenter ‘Espresso’ chu No.4 atangin No.3 a kai thar leh a, Sabrina hla dang ‘Taste’ chu No.7 atangin No.8-ah a tawlh a, a hla dang, he chart-a No.1 pawh ni tawh ‘Please Please Please’ chu No.9 atangin No.10-ah a tawlh ta bawk. Sabrina Carpenter hian he chart-ah ian a zawnin kar riat chung chu top 10-ah hla pathum a nei ta a, hetiang tithei zaithiam parukna a ni.
Lady Gaga leh Bruno Mars ‘Die With a Smile’ chu No.5 atangin No.4-ah a insawn a, chart No.1 hlui Post Malone featuring Morgan Wallen ‘I Had Some Help’ chu No.3 atangin No.5-ah a tawlh ta bawk.
Chart No.1 hlui bawk Teddy Swims ‘Lose Control’ chu No.8 atangin No.6-ah a insawn a, he chart top 10-ah hian kar 40 chhung a lang tling ta a, he chart top 10-a lang rei thei hla pangana a ni a, kar 57 top 10-a lang thei The Weeknd ‘Blinding Lights’, The Kid LAROI & Justin Bieber ‘Stay’ (44), Morgan Wallen ‘Last Night’ (41) leh Dua Lipa ‘Levitating’ (41) te chiah a pha lo.
Chappell Roan ‘Good Luck, Babe!’ chu No.6 atangin No.7-ah a tawlh a, Benson Boone ‘Beautiful Things’ chu No.10 atangin No.9-ah a insawn thar ve leh ta bawk.