China chuan Home Minister Amit Shah-an Arunachal Pradesh a tlawh chu dodalin Beijing territorial sovereignty namnulna leh bawhchhiatna tiin Chinese foreign ministry thupuangtu chuan a sawi.
Kar kalta khan China chuan Arunachal Pradesh-a hmun hming thenkhat chu a hming a phuah danglam a, chung hmunte chu an ram angin a chhal a ni.
“Zangnan (Arunachal Pradesh) hi China ram a ni” tiin Chinese foreign ministry thupuangtu Wang Wenbin chuan Home Minister Amit Shah-an a tlawh chungchanga zawhna an zawhna a chhang a.
“Indian official tena Zangnan an tlawh hi China territorial sovereignty bawhchhiatna niin ramri a remna leh muanna a awm theih nana hmalakna atana pawi thei a ni,” tiin a sawi.
Shah hian Arunachal Pradesh hi ni hnih cham turin April 10 leh 11 hun a hmang dawn a, hetah hian ‘Vibrant Villages Programme’ India-China inrina bula Kibithoo village-ah a hawng bawk ang.
India chuan Arunachal Pradesh chu India ram bung thendarh theih lohah a ngai a, China-in a duh anga hming a phuah ve ringawt chuan engmah danglamna a siam dawn chuang lo, a ti bawk a.
“Tun chauh hi China-in hetiang zawnga a hmalakna a ni lo. Arunachal Pradesh hi India ram bung thenhran theih loh a ni a. China in a hming a thlak ringawt hian engamah danglamna a siam dawn chuang lo” tiin Ministry of External Affairs official Arindam Bagchi chuan kar kalta khan a lo sawi tawh a ni.
United States pawhin China-in Arunachal Pradesh-a hmun hming thenkhatte a ram anga chhala a thlak ngawt chu a sawisel bawk.
Shah-an Arunachal a tlawh, China-in sel
Get real time updates directly on you device, subscribe now.
Prev Post
Next Post