Shah-a’n dan ziah that pawimawh ti

Union Home Minister Amit Shah chuan dan ziah that a nih chuan judiciary tan inrawlhna tur a awm lo a ti a. Dan te chu mawlmang leh chiang taka ziah tur niin thumal harsa tak chuan inhnialna a thlen thei a ti bawk a. “Kum 25 lo la awm tura dan sawibuai theih loh siam ila court inrawlh ngai lova siam chu dan tha tana medal a ni mai,” tiin Shah chuan a sawi.
Jammu and Kashmir special status pekna Article 370 of the Constitution chu temporary provision (ruahman lawkna hman lailawk tur) mai mai a ni a, a ziaktu chuan fing takin ‘temporary’ (rei vak lo chhung) tih a ziak lang a ni tiin a sawi bawk.
“Constitution a ruahman lawkna te chu rei vak lo chhung a tih ve theih loh. Article 370 a belh chungchanga ziaka inhnialna hi tunah a awm tawh lo. He dan ziaktu hi tu pawh ni se hman lailawk tur tia a dah hi a fing hle a ni,” tiin Minister chuan a sawi bawk a.
Kan tawnga thuziah hian pawimawhna a nei a, a chhan chu dan tam ber te hi English-a ziah a ni tlat a, tum tam tak chu legislator te thil tum chu English version-ah a fiah tawh lo thin a. Hei vang hian thil chiang lo laite chu palzut theih a nihna awmin hei vang hian dante chu Cabinet emaw Parliament duhdana ziah tur a ni a. Thumal te chu sentence hmanga tihlen tur a ni a ti bawk a.
“Dan tam ber te hi English a ziah a ni a, mahse kan tawnga inziah dan chiah zawk chu laihlan ngai a ni. |um tam tak chu legislator te thil tum leh English a lehlin chu a inmil tawk lo thin a. |hahnem tak a awm a, mahse, chungte chu inhnialna a siam dawn avangin sawi ka duh lem lo. Thil tam takah legislator te thil tum te chu English a lehin a lan dan a danglam daih thin,” tiin a sawi bawk.
Heng thute hi Shah hian PRIDE leh ICPS tena Parliament officers, State Legislatures, ministry hrang hrang, statutory body leh government department hrang hrangte tana legislative drafting chungchanga training huaihawtna neiha a sawi a ni a. He hunah hian Lok Sabha Speaker Om Birla, Union Ministers Pralhad Joshi, Arjun Ram Meghwal, leh Union Home Secretary Ajay Kumar Bhalla te pawh an tel a ni.
Shah chuan legislative drafting chu democracy-a bel tel pawimawh lutuk niin chumi lam hriatfiah lohna chuan dan chak lo a siam thei a, democratic system tinin tuarin judiciary kal dan pawh a tibuai thei tiin a sawi bawk.
Union Home Minister leh Minister of Cooperation ni bawk chuan democracy pillar pathum – Legislature, Executive leh Judiciary a awm a, kan constitution duangtu ten heng pillar pathum hmang hian kan democratic governance system pum an duang a ni tiin a sawi bawk a.
“Legislative Department hna chu Parliament leh Union Cabinet te duh dan dana siam a ni a. Drafting a tha a nih chuan executive tena tihsual nei lova dan an kalpui a awlsam a ni. Drafting-ah thil fel tawk lo a awm chuan dan bawhchhiat leh palzut a tiawlsam a. Drafting a chiang leh a fel a nih chuan a sawifiahna pawh a chiang mai,” tiin a sawi bawk.
Shah chuan legislative drafting chu science emaw art emaw a ni lo va, skill niin spirit nei chunga kalpui tur chi a ni tiin a sawi bawk.
“Sorkar policy-te dana siam dawnin dan sawi hlawh hlui te pawh zirchian ngai a ni. Writing chu skill a ni a, punctuation marks te pawh fimkhur takin legislative drafting-ah hman tur a ni bawk. Hei mai bakah hian a ziaktu chuan tawng a thiam em em tur a ni bawk a. |awng tin hian tiamchin a nei vek a, tawng thumal pawng lehlin ngawtin awmzia a nei lo va, lehlin dawnin a awmzia dik tak nena kalpui tur chi a ni,” tiin minister chuan a sawi bawk.