Shakhtar Donetsk 1-0 Barcelona

Barca chuan hma zawka Uefa Champions League knockout stage luh theihna hun tha bawhpelhin, indonain a chimbuai rei tawh tak Ukrainian team lakah point an hlawhchhuak zo lo a; kum 2008 December thla hnu lama a vawikhatna’n Shakhtar-in Catalan team an hneh leh.
Thawhlehni zan Champions League Group H match pakhat zawka Shakhtar Do-netsk chakna goal awmchhun hi chawlh-lawk dawn minute 40-a Danylo Sikan tauhluh niin, Giorgi Gocho-leishvili siamsak a ni.
Second half tawp hnaih tawh lamah Ne-werton chuan mual-neitu team goal hnihna thawh ve lehin a inhre hman thuak a, mahse, he rawlthar goal hlu tak tur hi offside vanga dansak a ni.
Dan pangngai anga inkhel an thunun hle chungin mikhual team khan Ukrainian cham-pion tlarhnung an tawn-tlang zo ngang lo a; khati chung khan Xavi team khan an group hma an la hruai chhunzawm a; November ni 28-a Porto laka tlawm an pumpelh hrim hrim chuan knock-out stage an lut thei tawh ang.
Marino Pusic-a team Shakhtar pawhin point ruk nen pathumna luah chhunzawmin, kum 2017-18 campaign-a AS Roma laka an tlawm hnu lama a tumkhat-na’na knockout stage luh leh an tumna kawng a la ping phui bik lo.