Sheila Dikshit chenna-ah Rahul Gandhi insawn dawn?

Congress leader Rahul Gandhia’n PM Narendra Modi hming a vuahsak avanga MP atanga a ban tak April 22, 2023-a a chenna a chhuahsan hnuin chenna thar tur a nei dawn tiin Congress party thuchhuah chuan a sawi. Congress Party thuchhuah chuan Rahul Gandhi chu Delhi Chief Minister hlui leh Congress party veteran Sheila Dikshit chenna thin Nizamuddin East, South Delhi-ah inbengbel turin a sawi a ni. Sheila Dikshit fapa Sandeep Dikshit chuan Rahul Gandhi chenna atan hian an luah lai mek chu an chhuahsan thu a sawi a ni.
Rahul Gandhi hian April thla khan a chenna Central Delhi-a 12 Tughlak Lane chu lo chhuahsan tawhin a nu Sonia Gandhi chenna 10 Janpath ah a lo insuan lut tawh a ni. Rahul Gandhi insuan luhna tur 3 BHK (Bedroom, Hall and Kitchen) an tih mai hi Sheila Dikshit leh a chhungte chenna leh kum 2019-a a boral thlenga a ruang nghahna in a ni a, he inah hian Sheila Dikshit hi kum 1991 atanga 1998 thleng lo khawsa tawhin kum 2014 khan Kerala Governor atanga a ban hnu in he inah vek hian a lo let leh a ni.