Shillong-ah Cherry Blossom Festival

Shillong Cherry Blossom Festival chu Nov 17, 18 leh 19 ah neih leh a ni dawn a, a tlawhtute tana chhinchhiahtlak taka huaihawt tum a nih thu a huaihawttute chuan sawiin RBDSA Sports Complex-ah a lawmn anga ropui thei ang bera kalpui tum a ni bawk.
Shillong Cherry Blossom Festival 2023 ah hian khawvel huapa lar Ne-Yo, Ronan Keating, Sanam, Jonas Blue, SURL, Pink Panda, Kenny Musik te pawhin an inlan dawn a, anni bakah local talents Meba Otilia, Lou Majaw, Blue temptatoon leh Shillong leh North East India a artists lar ber ber te pawh an tel dawn a ni.
Ne-Yo hi grammy Award-winning R&B artist niin Ronan Keating pawh khawvel huapa lar a ni a. Youtube sensation Sanam pawh inlan dawnin Jonas Blue leh Pink Pada te inlar tur chuan boruak a siam viau rin a ni bawk.
He festival hi music ringawt a ni dawn lo va, Miss leh Mr. Cherry Blosson te pawh thlan a ni dawn a, choir contest te pawh tel dawnin festival ground te pawh open-air art gallery a hman a ni dawn bawk a ni.
Shillong Cherry Blossoms festival hi Northeast India a culture, art leh music celebration pui tak niin kumin hi neih tawh zawng zawng aia ropui ber tura kalpui tum a ni bawk.