Siaha-ah Zohnahthlak hmeichhia thlavang hauhin kawng an zawh

Siaha-ah Zohnahthlak hmeichhia
thlavang hauhin kawng an zawh
Manipura chi leh chi inkar buaina kaihhnawiha Zohnahthlak hmeichhiate chunga hleilenna thleng an duh loh zia lantirna’n Thawhtanni khan Siaha-ah hnampual hmeichhe pawl hrang hrang huaihawtin kawng zawh a ni.
Mara Chano Py (M.Ch.P) Hqrs, Mizo Hmeichhe Insuihkhawm Pawl (MHIP) Sub.Hqrs. leh Lai Women Association (LWA) Sub.Hqrs. Siaha huaihawtin Siaha khawpuiah kawng zawh a ni a. MChP president P Chaki chuan Zohnahthlak leh an hmeichhiatpui ngei mualpho tak leh rapthlak taka hmeichhe zahawmna tihchhiat sak a ni leh a humhimtu tur zawk mipa thiltih an hmuhin an na takzet a, an tap tih a sawi a. Hetiang thil hi thleng nawn atan an duh tawh lo tih a sawi.
Kalkhawmte chuan Manipur-a Zohnahthlak unaute tanpuia chhawmdawl turin tawngtaina leh thilpek nen hma la zel turin an inchah a ni.