Sign language leh Braille-in POCSO Act hriat theih dawn

Sign language leh Braille-in
POCSO Act hriat theih dawn
Project Child Law for Everyone, Accessible and Readable (CLEAR) hnuaiah ri hriatna lama harsatna nei leh khaw hmu lote tan sign language leh mitdel hawrawp (Braille) hmangin POCSO Act leh a kaihhnawih siam chu Nilaini khan tlangzarh a ni.
Tlangzarhtu adviser to chief minister Lalmuanpuia Punte chuan pianphunga harsatna nei naupangten anmahni tana hamthatna awm leh harsatna an tawh pawha humhimtu dan awm an hriat chu an chanvo a ni, tiin, chumi atana mitdelten anmahni hawrawp ngei leh ri hriatna lama harsatna neiten sign language-a chutiang dan an nei thei chu ram pum huap pawhin a chhuanawm hle tih a sawi.
Thalaiten special education ngaiven zual se a duh tih sawiin, huang pawimawh tak leh midangte tana rawngbawlna zau tak a ni tih hrereng turin a chah.
Commissioner for Persons with Disabilities Vanlaldiki Sailo pawhin Project CLEAR hlawhtlinna atana thawktute inpekna fakawm a tih thu a sawi a ni.
Tlangzarhnaah hian Mizoram State Commision for Protection of Child Rights hotute, Social Welfare, Women & Child Development hotute, Mizorama pianphunga rualbanlote tana zirna school hrang hrang hotute leh zirlaite an tel.