Sikkim aiawhten ILP rawn zir
Mizorama inner line permit kalphung leh dinhmun zirchiang turin Sikkim sawrkar din ILP Committee member mi pali chuan Thawhtanni khan Aizawl an thleng a. Home commissioner & secretary H Lalengmawia’n lo dawngsawngin Home department hotu dangte leh Aizawl bawrhsap aiawhte nen an thukhawm nghal.
Sikkim sawrkar aiawhte hian an state-ah tualchhung mi nilo, eizawnna leh thil dang avanga lut an thathnem avanga tualchhung miten harsatna an tawh mek dan an sawi a. An harsatna tawh chi hrang hrangte sawiin, he harsatna sukiang tur hian pawnlam mi Sikkima lutte zawm tur dan (regulation) siam an duh thu an sawi a ni. Heng avang hian state hrang hrang thil kalpui dan zirchiangin, Manipur sawrkar hmalakna an zirchian hnuah Mizorama ILP kalphung, hman a nih tan dan leh kalpui mek dan an rawn zir tih an sawi.
Sikkim sawrkar atanga ILP Committee member-te hi – Home secretary Tashi Cho Cho, Health &Family Welfare secretary Tshewang Gyachho, Sarala Rai, IAS Rtd, leh civil society aiawhin Passang Gayli Sherpa te an ni a. ILP hmang mek state dang pawh an la zir chhunzawm dawn a ni.
Sikkim aiawhten ILP rawn zir
Get real time updates directly on you device, subscribe now.