Tunlaia silai tha chi, kah thelh theih tawh loh chi ho chu license pek phal a ni lo tih Environment Forest minister TJ Lalnuntluanga chuan a sawi.
Assembly Session-ah tunlaia silai tha chi, a enna nena vuaha kap dik deuh ho ang hi sava veh nana hmangin sava kah tlakna’n an hmang nasa hle tih sawichhuah a ni a, sava humhalh a pawimawh avangin sawrkarin eng tin nge hma a lak, tih zawh a ni.
EF&CC minister chuan silai khuahkhirh chungchangah hian Home department nen hma an la a, heng silai ho ang chi hi license pek phal a ni lo tih a sawi a. Wildlife Protection Act 1972 hnuaiah khap a ni, tih a sawi.
Kan rilru lam inhneh sak tura hetiang kap lo tura inzirtirna kalpui chu duh angin a la chak tawk loa, thawktu lam an indaih lo bawk nen, hma lak chak a har tih minister hian a sawi a. Chutihrualin, mipui lam pawh nungcha humhalh kawngah hian hma kan sawnin kan ziaawm chho hle zel tih a sawi a ni.
Silai tha chi ho license pe lo
Get real time updates directly on you device, subscribe now.
Prev Post
Next Post