Silk pangnang ei tur thlai ho chawmna atan tui lakna siam

Silk pangnang ei tur thlai ho
chawmna atan tui lakna siam
Khawbung RD Block-in ‘Project Rotling – Hmasawnna Rahbi Thar’ hnuaia an thawh, ‘Project Sustainable Livelihood through Ericulture at Chhingzawl Ram’ chu Rural Development minister Prof. Lalnilawma chuan Thawhtanni khan a tlawh.
He project-ah hian Rural development leh Sericulture department thawhdunna (convergence) a ni a. Chawngfianga tui, Mu bu ram ami lak a ni. Tui dahkhawlna atan hian tuizem lian pakhat siam niin, a thlang lamah ruahtui khawlna tur leh tuizem lian atanga tui sem thlakna tur tuizem panga siam a ni a. Tui hi Chhingzawl rama mutih, pangbal leh thlai dangte chawmnana hman tur a ni. Heng thlai hi Eri pangang (Eri silkworm) chawa hman tur a ni.
‘Project Rotling – Hmasawnna Rahbi Thar’ hi Mizorama RD Block 28 inelna a ni a. He project hnuaiah hian short term project (kum 1 chhunga thawh zawh tur), medium term (kum 2/3 chhunga zawh tur) leh long term (kum 5 chhunga zawh tur) a ni. RD Block 28 atangin concept paper 84 a lut a, hengte hi district tinah a bialtu project director-ten an endik hnuah state level expert panel-in project 27 an thlangchhuak a, heta tang hian RD minister kaihhruai State Level Monitoring Committee-in project 15-ah an lo thlifim leh a ni.
Short term project atan Khawbung RD Block hnuaiah ‘Project Sustainable Livelihood through Ericulture at Chhingzawl Ram’ leh medium term project turin ‘Preparation of Productive Vegetable Farm at Buhtang Zawl and Khiangpui Zawl Bungzung’ thlan an ni.