India top seeds Satwiksairaj Rankireddy leh Chirag Shetty tangdun chuan Singapore-a Super 750 badminton tournament first round an paltlang zo lo a, rin loh lutukin Denmark world number 34 Daniel Lundgaard leh Mads Vestergaard inkawp lakah Thawhlehni khan 20-22, 18-21-in World No. 1 pair hi an tlawm ringawt!
Satwik leh Chirag tangdun hian tunthla tir lam mai khan Thailand Open super 500 title hlawhchhhuakin, Singapore Open-ah pawh rinkai an ni a, kan hma lawk Paris Olympics-ah pawh hian India tana gold medal beiseina lian pakhat niin, Singapore-a round khatna an paltlang zo lo ta mai hian mak tih a hlawh lo thei lo a ni.
Singles inelna lamah pawh Indian shuttler dang Aakarshu Kashyap leh Priyanshu Rajawat-te’n second round an lut zo bik lo a, world no. 41 Kashyap hi 7-21 15-21-in Thailand world number 42 Pornpicha Choeikeewong lakah tlawmin, Rajawat pawh 21-23, 19-21-in Hong Kong player Lee Cheuk Yiu chuan a vaw tla ve bawk.
Women’s doubles pair Rutuparna Panda leh Swetaparna Panda chuti tho! Indian pair hi 12-21, 21-12, 13-21-in Chinese Taipei player Chang Ching Hui leh Yang Ching Tun lakah an tlawm.
Ashith Surya leh Amrutha Pramuthesh pawh 8-21 17-21-in Hong Kong pair Lee CHun Hei Reginald leh Ng Tsz Yau-te’n mixed doubles first round-ah an hneh ve bawk.
Top Indian shuttler rualkhat – PV Sindhu, Lakshya Sen leh HS Prannoy-te’n nizan lamah bul tan ve lehin, an result tarlan hman a ni lo.
Singapore Open-ah Satwik-Chirag tlo lo
Get real time updates directly on you device, subscribe now.
Next Post