Mizoram larsap Dr Hari Babu Kambhampati chuan sipai bang leh sipaiin an thihsan an nupui fanaute tana thawhlawm khawn mek chu mipuiin ngaipawimawha thawh turin a ngen.
December 7 kha Armed Forces Flag Day a ni a. He ni-ah hian ram tana nunna hlantu sipai huaisen inpekna ropui tak hre thar theuh turin larsap hian mipui a chah a. Sipaite chu ram vengtu dik tak, remna leh muanna min petu leh ram inrelbawlna leh thuneihna humhimtu an ni, tiin a sawi.
Khua leh tui tha kan nihna angin kan tana inpe sipai huaisente duhsakna lantira thilpek pe turin a ngen tih a sawi a. Armed Forces Flag Day-ah hian ex-servicemen leh an chhungte hamthatna leh inenkawlna atan thawhlawm thawh thin a ni tih sawii, tunlai khawvel, hmun hrang hranga buaina pung mekah hian kan sipaite hlutna leh pawimawhna hriat thar a pawimawh takzet tih a sawi a ni.
“Kum danga kan tih thin angin kuminah thawhlawm kan khawn leh mek a. He sum hi a bo a bang awm loin ex-servicemen mamawh leh kan pasalthate thihsan hmeithai leh an fanaute tanpuinan hman thin a ni. Kan sipai leh an chhungte hamthatna atan thahnemngai taka thawhlawm thawh turin mipui ka ngen a. Mahni sahimna dahthaa kan tan venhim hna thawktute inpeknaa kan lawmthu sawina chu thilpekin chhang ang u,” larsap hian a ti.
Sipaite bangte tan larsap-in ngensak
Get real time updates directly on you device, subscribe now.
Prev Post
Next Post