Skin care atan bawnghnute

Bawnghnuteah hian calcium leh protein a tam a, nitin bawnghnute in a that ang thoin, bawnghnute chu vuna hnawih pawh a tha. Vun lang upa hma tur a veng thei a, vun a timamin a tino thei niin Times of India health section-in an tarlang a, vuna bawnghnute hnawih thatna ni a an sawi te kan rawn tarlang e.
1. Cleanser tha tak a ni. Face cleanser anga bawnghnute hman hian thatna chi hrang hrang a nei a, vun cell thi te a tifai thei. Bawnghnute thirfian khat vel i vunah hnawih kual la, tissue paper-in dimtein i hru fai leh dawn nia.
2. Bawnghnuteah hian lactic acid a awm a, chu chu vun tihriseltu tha tak a ni. Collagen insiamthar turin a pui a, chu chu vun timar thatu a ni. Bawnghnute chu face pack anga hman mai tur a ni. Hetianga kan tih hian vun lang upa hma tur a veng thei.
3. Sunburn enkawl nan bawnghnute a tha hle. Ni sa hnuaia awm rei vangin sunburn kan nei thei a, a na ve duh viau, sunburn i neih chuan bawnghnute hnawih la chu chuan a tidai sawng sawng ang. Bawnghnuteah hian antioxidant a tam hle a, chu chuan sunburn avanga vun sa hrehawm tur kha a vawng dai thei a, vun tihnawngtu tha tak a ni bawk.
4. Bawnghnute chu moisturiser tha tak a ni. Bawnghnutea lactic acid awm hi vun atanga hnawng kal ra tur vengtu chak tak a ni a, chuvangin bawnghnute chu moisturiser tha tak a ni. Bawnghnute dai-ah lapua chiah la, chu chuan i vun minute 10 vel dep la, i sil fai leh mai dawn nia.