Skin fade haircut an ti a, tunlai mipa lumeh dan chi khat a ni a, bek bawr vel hi sam zuih ral turin an met kawng Thin a, hetiang lumeha meh chuan pakhat meh chhung pawh a rei duh fû. Nigerian lumeh thiam, Owoyemi Qudus Adebayo, kum 26, chuan minute 14 leh second 56 chhungin mipanga lu skin fade hian a meh sak hman a, Guinness World Record a siam.
A hmaa hetiang record chu 2022-a South Africa-a Enrico Springfield siam niin, ani hian minute 18 le second 57-ah mipanga lu skin fade-in a meh sak hman ve thung.
Hetiang record siam tur hian tawngpawng meh deuh tawp tawp kha a theih loh a, a fade dan dik thlap a ngai a, lumeh nana clipper an hman pawh a meh tawi theih zawnga adjust theihna lever nei ang chi hman phal a ni lo a, fade siam nan hian a tlem berah clipper guard chi hrang pathum tal an hmang ngei ngei tur a ni. Hei bakah hian record siam nana an lu an meh sak tur te chu lu kawlh tel tawl an ni sa tur a ni lo va, an sam chu 1cm tala sei a ni ngei ngei tur a ni bawk.
Owoyemi hian statistics-a undergraduate degree a zir mekna University of Ilorin-ah record hi siamin, chawhrualin skin fade pakhat hi minute 3 vela zo hman ang a ni.
Skin fade haircut rang record siam
Get real time updates directly on you device, subscribe now.
Prev Post
Next Post