Kendrick Lamar ‘Not Like Us’ a lar ber

Kendrick Lamar hla hit, Drake a kahna ‘Not Like Us’ chu Billboard Global 200 chart-ah No.1 niin, he chart-ah hian a zawn ni lovin kar hnih a No.1-na a ni a, kar kua liamta khan chart No.1-ah a lo debut tawh a ni. He hla hi a official music video an tlangzarh thar a, hei hian a tilar thar leh ta a, chart-ah pawh No.6 aTangin No.1 a kai leh ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘Not Like Us’ hian kar khat chhungin stream maktaduai 103.5 leh sales 9,000 neiin chart-ah a No.1 leh ta a ni. He hla hi Drake nen an rap battle rah chhuah niin, rap hmangin anni pahnih hi an inkap tawn deuh char char kha a ni a, Kendrick Lamar hian chan Tha zawk a chang ta a ni.
Sabrina Carpenter ‘Espresso’ chu kar hnih a No.1 hnuah No.2-ah a tawlh a, a hla dang ‘Please Please Please’ chu No.3 niin, Shaboozey ‘A Bar Song (Tipsy)’ pawh No.3 aTangin No.4-ah a tawlh a, Billie Eilish ‘Birds of a Feather’ chu No.5-ah bawk a la awm.

Billboard Global 200 Top 10:
1 Not Like Us – Kendrick Lamar
2 Espresso – Sabrina Carpenter
3 Please Please Please – Sabrina Carpenter
4 A Bar Song (Tipsy) – Shaboozey
5 Birds Of A Feather – Billie Eilish
6 I Had Some Help – Post Malone Featuring Morgan Wallen
7 Beautiful Things – Benson Boone
8 Million Dollar Baby – Tommy Richman
9 Gata Only – FloyyMenor X Cris Mj
10 Too Sweet – Hozier