Slice Small Finance Bank 15th Inter School Basketball boruak a lum!

Slice Small Finance Bank
15th Inter School Basketball
boruak a lum!
Mizoram Basketball Association (MBBA) buatsaih Slice Small Finance Bank, 15th Inter School Basketball Tournament 2025 chu R. Dengthuama Indoor Stadium, Mualpui Salem vengah khelh chhunzawm zel a ni a, boruak a sang satliah lo – a lum tel!
Tun tum inelnaa HSS bikah hian Shemford school hi an che tha tluang par par hle a; champion lai Mt. Carmel school A team an inlan meuh chuan chiang taka an chak bakah basket nei tam ber record siam nghalin, point 92 an nei der!
Vawiin hian HSS lamin quarter final an khel tawh dawn a, a hmuhnawm ang.
Hoops Mania
Timeout
Mizorama basketball buaipuitu hmasa te, kan top players/coaches/officials, association lama hruaitu tangkai tak tak atanga Inter School khelh lai mek thlenga zirtirtu thenkhat
The Aizawl Post Hoops Mania-in kan interview chinah anni ho hi mahni inzir peih, lehkhabu/chanchinbu chhiar thin rilru hriam tak an ni zel.
Reels leh a chhehvel bawra en tluk tluk a, mitvai vek khawpa hun hman thin loh nachang hriat hi a bikin zirlaite tan a tha. Mahni hlimthla um zur zur an fing vak thei lo – an ngaihdan ang tawm lo chu an hmu nikhua lo zel!
Chuvang chuan baller naupang zawk leh anmahni enkawltu te hian screen time bi tuk chat chat a, zirlaibu leh hriatna peipung thei chhiar lamah tanlak a tha in a duhawm mang e.