Snoop Dogg-a’n gospel album tichhuak dawn

Snoop Dogg-a’n gospel album tichhuak dawn
Snoop Dogg chuan a nu boralta pualin gospel album April ni 27 hian a tlangzarh dawm a, Instagram-ah chuan a album thar tur hi post-in, “April ni 27-ah gospel album Death Row Records kaltlangin ka tlangzarh dawn e. Altar Call tih a ni,” a ti.
He album-ah hian Jamie Foxx, Robert Glasper, Denaun Porter, Jazze Pha, Charlie Bereal, Jane Hancock, October London leh zaithiam dangte a thawhpuina hla a tel a, album-ah hian hla 21 a awm ang. A project cover art-ah a nu, 2021-a chatuan ram pan ta Beverly Tate thla a tilang a, “Ziak leh chhiar min zirtir a, nun kawng bumboh zawh thiam turin min zirtir bawk. Ka nu, tunah chuan thla i nei ve ta,” a ti.
Snoop Dogg chuan a nu zirtirtna te chu a nunah a bet reng tawh dawn tih sawiin, “He album hi ka aw leh ka dinhmun te hmangaihna leh khawvel dam nana hmang tura min lo zirtir tawhna te rawn lanchhuahna a ni. Bible of Love a chapter dang a ni e,” a ti bawk.
Snoop Dogg hian 2018 khan a gospel album hmasa ber ‘Bible of Love’ a tlangzarh a, he album-ah ian Faith Evans leh Charlie Wilson a zaipuina hla te pawh a awm. 2024 kan Dr. Dre nena an ‘Missionary’ album an tlangzarh tawh bawk.