Tunlaiin social media-ah mi rilru hruai kawi thei thu belhchian dawn lo thehdarh leh midangte rilru ti na thei phurpui an tam tih Information & Communication Technology minister Robert Romawia Royte chuan a sawi.
Govt Central Higher Secondary School Annual Sports kharna a hmanpuinaah Robert Romawia Royte chuan tunlaiin a chhe zawnga thil thlir chi ten social media hmangin mipui rilru hruaikawi thei thu belhchian dawl lo thehdarh an chin bakah midang rilru tina thei phurpui an tam chu pawi a tih thu a sawi a. Zirlaite tan social media-a thu leh hla rindan chin tawk thiam a, thu tha lo leh a post thintute hnualsuat nachang hriat a pawimawh tih a sawi.
Taksa leh rilru hriselna leh hlim nan awmze neiin school-ah sports uar a tul a, chu chu National Education Policy 2020 duh dan pawh a ni tih a sawi bawk.
Govt Central HSS hi kum 1996-ah arts stream din a ni a, kum 2016 atangin private-in science stream din belh a ni. Tunah hian principal leh zirtirtu 26 leh zirlai 420 an awm mek.
Social media-ah midangte rilru ti-na thei phurpui an tam
Get real time updates directly on you device, subscribe now.