Solar Panel hluihlawnin harsatna siam thei

Carbon emission tihhniam nana hmanrua pawimawh em em tiin khawvel huapin nasa takin hmang uar tura inhrilh hriat a ni a, mahse, a hmantlak/dam rei zawng hi kum 25 a ni thung.
Mithiamte chuan solar panel billion tel tehmeuh chu thlaka nuai bo ngai a ni zel dawn an ti.
“Khawvel pumah solar panel terawatt khat aia tam hman a awm tawh a. Heng solar panel pangngai te hian 400W vel capacity a nei a, rooftop leh solar farm a awm te chhiar chuan khawel pumah solar panel 2.5 billion vel a awm ang,” tiin Dr Rong Seng, University of New South Wales a solar recyling panel expert chuan a sawi.
Birtish sorkar chuan UK-ah ringawt solar panel million sawm tel a awm an ti a, mahse, chung solar panel hmantlak tawh loh te tihchhiata recycle lamah specialist infrastructure a la awm lo an ti thung.
Hei vang tak hian energy experts te chuan sorkar chu global environmental disaster a thlen loh nana hma la vat vat turin an tur bawk a.
“Kum 2050 a nih meuh chuan tun atanga kan recyle lo a nih chuan waste mountain a siam ang,” tiin Ute Collier, deputy director, Internatinal Renewable Energy Agency chuan a sawi a.
“Solar panel tam zawk kan siam belh zel a, a ropui a, mahse, engtiangin nge a chhe tawh (waste)” te chu kan tih dawn tih chu zawhna ni tiin a sawi.
June thla tawp hian ruahmanna siam fel theih a nih beisei a ni thung a, France-ah solar panel recyle-na hmun factory hmasa ber chu hawn a ni dawn a ni.
Specialist solar recycling company ROSI neitu chuan solar panel chhia 99% te chu hman leh theiha an siam theih a beisei thu a sawi a.
Solar panel-a glass leh aluminium frame te recyle leh theih mai bakah panel chunga material pawimawh tin te silver leh copper te pawh hman leh theiha siam theih an inbeisei bawk a. Chung hmanrua te chu solar uits chak zawk siam nana an hman theih an beisei a ni.
Solar panel recycling conventional methods hmangin aluminium leh glass te chu recover theih a ni hlawm a, mahse, ROSI te chuan glass bik chu a quality a tha lo an ti thung a.
Solar panel a hman tawh glass te chu tiles emaw siam nana hman theihin asphalt nena chawhpawlhin high-grade glass siam theih an inbeisei bawk.
Kum 2021 chhung ringawt khan khawvel puma solar energy generation chu 22% in a pung a. Thla tinin UK bikah solar panels 13,000 photovoltaic (PV) dah nia chhut niin a tam ber chu mimal inchunga dah a ni.
Solar panel te hi an dam rei zawng tura hisap an hnaihah tawh chuan an hmantlak tawh lo hle a, hei vang hian a khat tawka thlak kual reng ngai tia ngaih a ni a. Chuvang tak chuan solar panel hmantlak tawh loh paih mai tur chu a pung nasa lo thei lo.
“Kum 2030-ah chuan solar panel hmantlak tawh loh maktaduai li vel kan nei hman tawh ang a, chu chu la enkawl theih tawka ngaih theih a ni a. Mahse, kum 2050-ah meuh chuan khawveol pumah maktaduai 200 chuang a awm tawh ang” tiin Ute Collier, deputy director of the International Renewable Energy Agency chuan a sawi.
Solar recylcing-na facility awm mang lohna chhan chu tun hma zawngin solar waste chu hman leh tura siam that leh theiha ngaih a nih loh vang tiin a sawi a.
Domestic solar panel first generation ho chuan an dam chin hisap an thleng dawn tawh hlawm a, hei vang tak hian mithiamte chuan chungte recycle vat a nih theih nana hmalak chak a ngai an ti.
Photovoltaic waste lamah Euroepan ram zingah France chu sulsutu a ni mek tiin Nicolas Defrenne chuan a sawi a. An pawk Soren te chu ROSI leh firm dang te nen France ram puma solar panel lakkhawm lamah an thawkho mek.
Grenoble a ROSI te high-tech plant ah chuan solar panel hluihlawn tawh te chu thiat darh vekin a chunga material hlu tak tak awm copper, silicon leh silver te chu thliar hrana lakkhawmin a awm a.
Solar panel tinah hian heng material pawimawh hi tlemte te a awm vek a, mahse, thil dangte nena inbelhbawm tlat a nih avangin lakhran pawh hautak a ni thung a. Mahse, a hlut em avangin chung material te lakkhawm chu game-changer ni thei a ni, tiin Defrenne chuan a sawi a.
Soren te chuan solar panel thar siam nana mamawh quarter thum vel zet chu solar panel hlui atanga lakkhawm theih a nih an rin thu an sawi a, chutiang a nih chuan solar panel thar leh tha zawk siamna kawngah a pui nasa dawn an ti bawk.
British scientists te pawhin ROSI te technology ang hi siam tumin hma an la mek a. Nikum khan University of Leicester researchers te chuan saline hmangin PV unit atanga silver lakchhuah dan an thiam thu an sawi a. Mahse, tun dinhmunah chuan ROSI te chauh chu industrial level a la kalpui thei awm chhun an la ni thung.