North Korea leader Kim Jong Un unaunu chuan spy satellite chu an kahchhuah leh intiamin hei bakah hian UN Security Council meeting chu na takin a sawisel bawk.
North Korea in military spy satellite hmasa ber a kahchhuah chu hlawhchhamin Korean Peninsula-ah a tla a. He mi hnu hian UN Security Council meeting koh nghal niin a chhan ber pawh North Korea chuan council resolution a bawhchhiat vang niin North hi ballistic technology a hman hrim hrim khap a nih vang a ni.
Pathianni khan Kim-a unaunu leh senior ruling party official i bawk Kim Yo Jong chuan UN council chu United States duh dan dana khawsa tia sawiin America duh dan anga meeting pawh ko mai tiin a sawi bawk a.
UN council chu thleibik nei leh invaivung tia sawi bawkin khawvel ram dangte satellite sang tam tak kahchhuah a nih laiin North satellite chauh bitum bik a ti bawk a. North Korea-in satellite neih a tum chu US leh a thawhpuite vauna laka an himna tura tihmakmawh tiin a sawi bawk.
“Sovereign state a nih angin North Korea chuan hma a la zui zel dawn a ni,” tiin Kim Yo Jong chuan a sawi bawk a. A hma pawhin Zirtawpni kalta khan Kim Yo Jong chuan North chuan orbit-ah satellite a dah ngei dawn tiin a lo sawi tawh bawk a, a thawh hnihna an kahchhuah leh hun tur erawh a sawi lo thung.
South Korea spy agency te chuan eng vanga an satellite kahchhuah chu hlawhchham nge a nih hrefiah turin kar eng emaw zah North chuan a mamawh ang a ti a, mahse, a thawh hnih nan a kahchhuah leh ngei an rin thu an sawi bawk.
Military surveillance satellite hi sophisticated weapons Kim Jong Un an neih ngei a tum zinga tel a ni a. Kum 2022 atang khan North Korea hian US leh South Korea te military drill a duhlohna lantir nan missile test tum 100 chuang a nei der tawh bawk.
North Korea hi missile test leh satellite kahchhuah avangin UN-in a hrek mek a ni a. Tun hnaiah khauh zawka hrek tumna erawh China leh Russia, permanent member ve ve tena an dodal avangin kalpui theihin a awm
North Korea-in UN demna sawi chhuak
Get real time updates directly on you device, subscribe now.