Sorkar hnathawkten OPS ngiat zui

Central Secretariat Service (CSS) Forum, Central government employees in inhawrkhawmna chuan a tawp thlengin Old Pension Scheme (OPS) an ngiat tur thu puangin, “OPS hi duhsakbikna a ni lo, kan right a ni,” tiin an sawi.
August 24 khan NDA sorkar chuan Unified Pension Scheme (UPS), sorkar hnathawk tena an pension nana an hlawh lak hnuhnung ber atanga 50% an lak theihna tur a tlangzarh a. Mahse, sorkar hnathawkte chuan retirement corpus atan an basic pay atanga 10% an thawh a ngai ve thung. UPS hian inflation trend milin dearness relief tihsan a keng tel bawk.
Tun dinhmunah chuan January 1, 2004 a OPS thlakna National Pension System (NPS) hman mek a ni a, Central government employees tin tena an hman mek a ni. Dan thar hnuaiah chuan April 1, 2025 atangin sorkar hnathawk te chuan NPS atangin UPS-ah an insawn thei dawn thung.
Post-retirement schemes ang lo takin OPS-ah chuan employee tena contribution an pek ve a ngai lo thung a ni.
Ashutosh Misra, General Secretary, CSS Forum chuan, “NPS leh UPS te hi government employees te tan a tha lo ve ve. Superannuation hunah NPS chuan assured pension a nei lo va, mahse, corpus anga 60% payout a nei thung. UPS chuan kum 30 atanga 35 service hnuah pawh corpus mumal a nei bawk lo. Thil duhawm lo tak superannuation hnu veleh thleng ta se, employee te chuan UPS kaltlangin an contribution ngei pawh an dawng lo thei a ni” tiin a sawi.
Hnathawk him lo nia inhria chuan a thawhna emaw ram tan pawh a theihtawp a chhuah lo thei a ni ti bawkin, “CSS forum te chuan hnathawkte tan leh sorkar tan pawh OPS hman chu a tha ber ve ve a ni. NPS a basic pay atanga 10% deduct chu UPS ah pawh kalpui tho tur a ni a. OPS ah chuan chutiang chu a awm ve loh avangin market leh economy in a thatpui a ni. Prime Minister hian sorkar hnathawkte tan OPS hi min tiam leh rawh se,” tiin a sawi bawk.