Sorkar laipui chuan IDBI Bank disinvestment chu kalphung pangngai anga kalpui mek reng a nih thu a sawi.
Media report thenkhatah IDBI Bank disinvestment chu thulh leh ni maithei awma sawi chu thudik a nih loh thu Department of Investment and Public Asset Management (DIPAM) chuan sawiin kalphung pangngai angin sale te hralh a nih theih nana post-EoI stage ah an awm mek thu a tarlang bawk a.
“EoIs dawn nual a nih hnuah kalphung pangngai angin transaction kalpui mek niin post-EoI stage ah kan awm mek a ni,” tiinDIPAM Secretary Tuhin Kanta Pandey chuan a sawi a. Sorkar leh LIC te chuan IDBI Bank-a an stake 61% an hralh dawn a, January thla atang khan Expressions of Interest (EoIs) an dawng nual tawh a ni.
DIPAM hi state-owned enterprise te chalaitu ber niin nikum October thla khan IDBI Bank a 30.48% stake hralh a nih theih nan EoIs a ko a, LIC pahwin 30.24% stake hralh a tum bawk a. Sorkar leh LIC te hian IDBI Bank ah 94.72% stake neiin an hralh hnuah chuan 34% an la nei dawn tho a ni.
Sorkar leh RBI te chuan bids an dawn te an enfel mek a. Bidders tena a thawh hnihna an luh theih nan Sorkar atanga security clearance leh RBI atanga Fit and Proper clearnce an neih ngei a ngai thung a.
Officials te chuan IDBI Bank disinvestment hi April 2023 atanga sorkar kum thar chhiara kum chawhnu lamah peihfel vek hman a nih an beisei a ni. Ruahman anga thil a kal a nih chuan sorkar chuan IDBI bank-ah 15% stake la nei zui dawnin LIC chuan 19% a nei ang a, an pahniha an stake neih tam lam chu 34% a ni dawn a ni.
Sorkar-in IDBI disinvestment kalpui mek zel
Get real time updates directly on you device, subscribe now.