Sorkar laipuiin Manipur tan vbc 100 chuang pe
Manipur chief minister N Biren Singh chuan ningani khan sorkar laipui atangin an state chhunga tlangram district health care facility pekna tur cheng vaibelchhe 104.66 a rawn sanction thu a sawi.
Singh chuan Manipur tihhmasawnna tura prime minister Narendra Modi leh union health minister JP Nadda bakah DoNER minister JM Scindia-te hmalaknaah a lawm takzet tih a sawi bawk.
Manipur CM chuan an state chhung tlangram hmun thenkhat, a bikin Chandel, Ukhrul, Jiribam, Senapati leh Tamenglong district huamchhungte chuan hriselna lam tana tangkai tak tak an dawng tur chu a lawmpui takzet tih a sawi a, Churachandpur Medical College pawhin a thawh tur ang a thawk tan tawh a ti.
Chief minister Singh chuan tun hnaia prime minister’s development initiative for north east region (PM-DevINE) hnuaia cheng vaibelchhe 104.66 sanction chu an state chhunga hriselna lama hmasawnna ropui tak thlentu tur a nih thu a sawi a, Singh hian an state chhunga buaina chungchang leh an sorkar dinhmun chungchang erawh engmah a sawi lang lo thung.
Sorkar laipuiin Manipur tan vbc 100 chuang pe
Get real time updates directly on you device, subscribe now.