South Korea-a ram kangah mi pahnih thi tawh

South Korea-a ram kangah mi pahnih thi tawh
South Korea-a ram nasa taka kang vangin Inrinni khan mi pahnih an thi a, mi za tel hmun himah an insuan chhuak bawk.
An ram chhimchhak lama Sancheong County-a ram kangah hian kang thelhtu pahnih an thi niin thuneituten an saiw tih news agency Yonhap chuan a tar lang.
Korea Forest Service chuan hmun hrang hrangah ram kangah hian mi pahnih chin an la hre thei lo bawk tih an sawi.
Inzinni zan dar 06:00 (India-a chawhnu dar 02:30) khan emergency puan tan niin hei hian chhimchhak lama Ulsan khawpui leh North leh South Gyeongsang province a huam.
South Gyeongsang province-a Sancheong County huam chhunga khaw pariata mi 200 chuang chu an in a derthawn theih avangin hmun danga insawn rih tura tih an ni.
An khawpui, Seoul atanga chhimchhak lam km 250 vela kangmei chhuak mek hi president lailawk, Choi Sang-mok-a chuan ni tlaka thelh mit hman turin an tih theih ang zawng zawng an ti tih sawi mah se thli na tak tleh avangin an duh angin an ti thei lo.
North Gyeongsang Province-a Uiseong county-ah pawh ram kang avang bawkin mi 400 chuang chu an ina awm thei lovin hmun danga khawsak an ngai rih bawk.
Forest thuneitute chuan hmun 12-ah ram kang mai thei a awm tiin inralrinna a tichhuak a, heng zingah hian an khawpui lian, Busan leh ram lailia khawpui, Daejeon pawh a tel.