South Korea barakhaihtu Indian men’s volleyball team

Nilaini khan Indian men’s volleyball team chuan Asian Games hnuhnungbera silver medal hawntu South Korea lakah rin loh taka hnehna changin group hmahruaitu nihna nen Hangzhou khawpuiah Asian Games knock-out stage an lut fel ta der mai!
An Group C match hnuhnungbera 3-2 (25-27 29-27 25-22 20-25 17-15) hnehna chang turin India mipa team hian darkar hnih leh minute 38 an hmang a, Thawhlehnia 3-0-a Cambodia an lo hneh tawh nen point nga hum chungin group hmahruaitu an ni.
2018 Asian Games silver medallist South Korea lakah hian Amit Gulia leh Ashwal Rai an chetha fal a, India tana point hlu tak tak thawkchhuaktu an ni.
Round leha India tum tur a la chiang lo a, Chinese Taipei a nih loh chuan Mongolia a ni ang.
India kuta Asian Games volleyball medal a luh hnuhnunber tum chu kum 1986-a bronze an lak daih tawh kha niin, Games hnuhnungber Indonesia-ah khan 12-na an ni pha chauh thung.
Tun kha kum 10 chhunga India-in South Korea an hneh vawikhatna niin, India hi volleyball world ranking-ah 73-na niin, South Korea ni 27-na!