Balhla thatna leh hriselna

Balhla hi Apple tih lohah chuan khawvela kan thei ei nasat ber a ni a, khawi hnunah pawh napkin tel loa ei mai theih a nihna leh natural taka kawr a neih avang hian a hrisel em em a ni.
Balhla hi thei kan neih zinga damdawi atana hrisel ber pawl a nih avangin tun tumah hian Remsangpuii (RSP Dietetics) in balhla thatna leh hriselna a ziah hrang hrangte kan tarlang leh dawn a ni.
Properties and Indications :
Balhlaah hian carbohydrates 21% vel a awm a, a hmin loah hian Starch a tam hle a. A lo hmin hian thil Thlum (sugar) ah changin, saccharose, glucose leh fructose te niin thei ei harsa lo tak a ni. Balhla hmin lo leh a hring chiah hian strach a tam em avangin pai tawih a har hle a, kaw ruah lai phei chuan pai tawih a har zual hle thin a ni.
Balhla hian protein 1% leh thau (fat) 0.5% a pai ve a, pumkhat zelah hian ni tina kan mamawh RDA (recommended daily allowance) vitamin B6 a awm a ni. Balhla hian vitamin C, B1, B2 leh E bakah folates a nei tha a, heng bakah hian mineral potassium, magnesium leh iron a nih avang hian super fruits zinga chhiar tel a ni bawk.
Balhlaah hian potassium a awm that em avang hian heng natna hrang hrang coronary disease, intestinal disorders, uric arthritis & gout leh low sodium diet te tan hian a tangkai hle a. Balhlaa thlumna awm hi chini pangngai (white sugar) ang a nih loh avangin zunthlum tan sugar a ti sang lem lova, lung (heart) tan thei hrisel tak a nih vang leh thisen a tih fai that em avangin Bp sang te tan pawh a tha hle a ni.
Calories :
Naupang leh puitling tan pawh balhla hian chakna ( 92% / 100g) min pe nasa hle a, medicinal properties leh carolic content te hi cottage cheese leh chhangthawp nen a intluk hial avangin natural atanga kan hmuhah chuan a tha hle a ni.