Spain a tanpuina thawk turin mi sing khat thawn belh

Spain a tanpuina thawk turin mi sing khat thawn belh
Spain prime minister Pedro Sanchez chuan Valencia biala tuilian nasa tak thlenga tanpuina thawk turin a awmsate bakah sipai 5000 leh sipai officer leh civil guard 5000 a tirh belh leh thu a sawi.
Chanchin buatsaih lai thlengin Pedro chuan mi 211 in nunna an chan tawh thu a sawi a, an khawtlang awm dan leh tuilian sulhnu enin thi zat hi an pun zelh zel erawh a rinawm thu a sawi bawk.
Thawhlehni atanga ruahsur nasa tak avang khan Valencia bial ho hian tuilian nasa tak an tuar chho a, kawngpui nasa taka chhiain, leminin hmun tam tak a khuh bo bawk. Khawchhungah hnawl tam tak lutin, a tawp hle a, tui leh eng bakah ei leh in tur thlengin a awm lo chho bawk a ni.
PM chuan an chhungte vawiin thlenga an awmna hre lo, la zawng reng an awm thu sawiin, beidawng tak tak an tam tawh hle a ti a, sorkar lam atang pawhin chhanchhuah hna thawktute puih an ngaihzia hria thawn belh nghal an nih thu sawiin, chhun zan zawma chhanchhuah hna leh thenfai hna thawh zel a nih tur thu a sawi bawk a ni.