Men’s European Championship-a vawithum ngawt champion tawh Spain chuan kan hma lawk European Championship-a an tirh tur squad hmasa (provisional Spain Euros squad) an puang a, Manchester City midfielder Rodri, Chelsea duh lai Marc Cucurella leh on-loan Arsenal goalkeeper David Raya an tel.
Hetih lai hian England-a inkhel dang Aston Villa defender Pau Torres leh Tottenham player Pedro Porro erawh hmuh tur an awm ve ta lo thung.
Luis de la Fuente hian player 29 a ko zing atangin tournament atana player hming thehluh theih hun hnuhnungber June ni 7 ral hmain player pathum a la chhawk then leh dawn a ni.
Barcelona player naupang pahnih rawlthar kum 16 mi lek ni chunga ram tana khel khel dawn ta mai Lamine Yamal leh kum 17 mi Pau Cubarsi pawh national camp zawm tura koh zingah telin, Fermin Lopez leh Newcastle player Ayoze Perez-te pawhin a vawikhatna’n La Roja senior team-a kohna hmasa an dawng ve ta bawk.
Ram tana tum 38 lai khel ve tawh Paris St-Germain forward Marco Asensio chu hnawl zingah telin, player lang lo langsar a ni.
Spain head coach hriat la hlawh tehchiam lo De la Fuente hi December 2022 khan World Cup last 16-a Morocco an hneh loh hnu bang ta Luis Enrique thlaktu atana sengluh niin, nikum Nations League-ah a team a hlawhtlinpui nghal a, kha kha kum 11 chhunga Spain-in international trophy an lak vawikhatna a ni nghe nghe.
Spain hi kumin Germany ram European Championship-ah hian group hautak fu tura ngaihah champion lai Italy, Croatia leh Albania-te nen awm hoin, June ni 15 khian tournament bul an tannaah Croatia nen Berlin khuaah an intum dawn a ni.
-- Advertisement --
Spain provisional squad
Goalkeepers: Alex Remiro (Real Sociedad), David Raya (Arsenal on loan from Brentford), Unai Simon (Athletic Bilbao)
Defenders: Aymeric Laporte (Al Nassr), Robin Le Normand (Real Sociedad), Alex Grimaldo (Bayer Leverkusen), Dani Carvajal (Real Madrid), Dani Vivian (Athletic Bilbao), Jesus Navas (Sevilla), Nacho (Real Madrid), Cucarella (Chelsea), Pau Cubarsi (Barcelona)
Midfielders: Mikel Merino (Real Sociedad), Fabian Ruiz (PSG), Alex Baena (Villarreal), Martin Zubimendi (Real Sociedad), Rodrigo (Manchester City), Llorente (Athletico Madrid), Pedri (Barcelona), Garcia (Girona on loan from Barcelona), Fermin (Barcelona)
Forwards: Alvaro Morata (Atletico Madrid), Dani Olmo (RB Leipzig), Joselu (Real Madrid on loan from Espanyol), Lamine Yamal (Barcelona), Mikel Oyarzabal (Real Sociedad), Ayoze Perez (Real Betis), Ferran Torres (Barcelona), Williams JR (Athletic Bilbao)