SPB vice chairman leh deputy chief whip

Mizoram sawrkar thar indin chho mekah State Planning Board vice chairman atan Dr Kenneth Chawngliana ruat a ni a; deputy government chief whip-ah W Chhuanawma ruat a ni.
Mizoram State Planning Board vice chairman tur Dr Kenneth Chawngliana hi UT sawrkar laiin MLA a ni a, Mizoram Legislative Assembly speaker a lo ni tawh a, 1979 – 1984 chhung khan he hna hi a chelh a ni. Mizoram Public Service Commission member a ni tawh bawk. Tuna sawrkar lai party ZPM vice president nilai a ni.
Chief minister rawtna angin larsap chuan SPB vice chairman-a ruatna hi December 13 khan a tichhuak a ni.
Chief minister Lalduhoma chuan danin thuneihna a pek angin tun MLA inthlanpuia Tuichang bial atanga ZPM ticket-a thlantlin W Chhuanawma chu deputy govt chief whip-a ruatna December 13 vek khan a tichhuak a ni.