Spiritual Sub Committee la ding

Mizoram sawrkar chuan Spiritial Sub Committee a din a, hei hi a la ding reng a, ruihhlo ngaite enkawlna hmunpui Jordan Centre Sethawn tan bik deuha din a ni tih chief minister Zoramthanga chuan a sawi.
Assembly Session-a ZPM member Lalduhoma zawhna chhangin, GAD changtu chief minister chuan Spiritial Sub Committee hi 2019 August 14-a din a ni a; he Sub Committee hmalakna hian gospel camping vawi 6 neih a ni tawh. Jordan Centre-a enkawlte enkawl chu a dinchhan ber pakhat a ni a, a dang pawh a tul anga ti tur an ni. Mizoram Kohhran Hruaitute Committee chairman chu Sub Committee chairman a ni nghal a, sawrkarin member dangte a ruat bawk.
“Committee lianpui, ram pum huap anga lian deuha kalpui vak tuma din a ni lo,” Zoramthanga hian a ti a. Jordan Centre-ah hian camping te buatsaih tawh mah se, Covid hrilengah hri kai enkawlna atana hman ani ta si a, tunah a ngai anga kalpui chhoh leh tan a ni tawh tih a sawi.