Sri Lanka president ‘welcome’ turin China inpeih

Sri Lanka president ‘welcome’ turin China inpeih
Sri Lanka president Anura Kumara Dissanayake chuan India ram a tlawh thu an hriat hnu lawkah China chuan an rama zin tura an inbuatsaihna a that thu leh, hmuak tura an inpeih reng thu China official senior pakhatin a sawi.
Dissanayake chuan tunkar tir lam khan ni thum cham turin India a tlawh a, hei hi president a nih hnua ram pawna a zinchhuah hmasak ber a ni.
Chinese People’s Political Consultative Conference (CPPCC) national committee-a vice chairwoman Qin Boyong chuan nilaini khan Dissanayake hi hmuin, China tlawh tura a sawm bakah, englaipawha an lo inpeihsa reng thu a hrilh.
An inkawmnaah hian Dissanayake chuan Qin hnenah hian Sri Lanka in sum leh paia harsatna nasa tak a tawh laia an leiba siamthatna kawnga China in a puihna leh loan a pekah te lawmthu a lo hrilh ve bawk.