State Day lawm dawn

Vawiin, February 20 hi Mizoramin state a hmuh ni champha a ni a. State sawrkar chuan hemi pual hian chawhma dar 11.00 ah Vanapa Hall Aizawlah a lawmna a buatsaih dawn.
State sawrkar hnuaia gazetted officer – under secretary chin (secretariat ah), deputy director chin (directorate leh Aizawl district office ah) leh Police department-a MPS senior grade chin chu he hunah hian tel vek tura hriattir an ni.
Administrative head leh head of department-te chu an hnuaia officer theuhte he program-ah hian an tel ngei theih nan hma la tura hriattir an ni bawk.
Aizawla State Day lawm tur hi larsap Dr Hari Babu Kambhampati leh chief minister Lalduhoma ten an hmanpui anga, an ni bakah hian NGO Coordination Committee chairman, Central YMA president Lalhmachhuana ten thu an sawi ang.