State health budget-a dah 68% chu thawktute hlawh
Zirchiannaah Health department tana state budget-a dah hran atangin za zela 68 chu thawktute hlawh atan hman a ni.
Mizoram Health Systems Strengthening Project (MHSSP) buatsaihin World Bank aiawh leh Health & Family Welfare department hotute chu damdawi in inrelbawl dan leh damlo enkawlna tha zawk neih chhunzawmna tur leh thawktu indaihlohna avanga harsatna sutkian dan sawihoin Ningani khan an thukhawm.
MHSSP project director Dr Lily Chhakchhuak chuan MHSSP kaltlangin damdawi in thuam changkan niin, damdawi in 18-in National Quality Assurance Standard certification an hmu tawh tih a sawi.
World Bank consultant Dr Lincoln Chowdhury chuan Mizoram chu damlo enkawlna quality tha zawk pek kawnga hmasawnnaah India hmarchhakah a titha ber a ni tih sawiin, hmasawn zawnga kal zel theihna tura hmun danga an lo tih dan a sawi a ni.
MHSSP-in Mizoram Health & FW department hnuaia thawktute chungchang a zirchianna chu MHSSP deputy PD Dr Lalnuntluangi chuan a sawifiah a. Department thawktu zingah regular aiin contractual an tam zawk a; state health budget atanga zaa 68 chu thawktute hlawh atan hmanral thin a ni. Health department-a thawktute thuam chak kawngah policy mumal tak duan, medical lam zirna in neih belh, thawktu lak reng reng training mumal tak pek hmasak leh training-na tur hmun bik leh hmanraw tha a tul thute chu a zirchiangtute rawtna a ni.
State Quality Assurance Committee leh an mawhphurhna chungchang zirho a ni bawk.
State health budget-a dah 68% chu thawktute hlawh
Get real time updates directly on you device, subscribe now.