Serchhip District Boxing Association buatsaih Mizoram Open Boxing Championship 2023 chu Thawhlehni zan khan Sports & Youth Services minister Robert Romawia Royte chuan Serchhipah a hawng.
-- Advertisement --
Minister chuan Mizoram hmun hrang hrang atang boxer 103 telte hneh taka thlengtu Serchhip mipui hnenah lawmthu sawiin, boxer-te duhsakna a hlan a. Serchhipa awm 42 Assam Rifles-in an sponsore chu thil thleng zen zen lo, lawmawm si a ni, tiin a sawi.
Mizoram Open Boxing Championship 2023-ah hian mipa weight hrang 10-ah boxer 90 an tel a, hmeichhia weight pangaah boxer 13 telin, an vaiin boxer 103 an inlan dawn a ni. Championship hian February 3 thleng a awh dawn a ni.