Samsung Galaxy S23 series an tlangzarh
Samsung chuan Nilaini kalta khan Galaxy Unpacked event neiin, an Galaxy S23 series an tlangzarh a, Galaxy S23, Galaxy S23+ leh Galaxy S23 Ultra a awm. Samsung Galaxy S23 hi model hniam ber niin, 8GB RAM + 128GB storage chu Rs 74,999 man a ni a, 8GB RAM + 256GB storage chu Rs 79,999 man a ni ve thung. Samsung Galaxy S23+ hi a model laihawl a ni a, 8GB RAM + 256GB storage chu Rs 94,999 man a ni a, 8GB RAM + 512GB storage chu Rs 1,04,999 man a ni a, a model sang ber Galaxy S23 Ultra hi 12GB RAM + 256GB storage chu Rs 1,24,999 man a ni a, 12GB RAM + 512GB storage chu Rs 1,34,999 man a ni a, 12GB RAM + 1TB storage chu Rs 1,54,999 man a ni ve thung. Samsung Galaxy S23 handset te hi February ni 17 atangin an hralh chhuak tan ang.
-- Advertisement --
Samsung Galaxy S23:
Samsung Galaxy S23 hian Android 13 leh One UI 5.1 a hmang a, Qualcomm Snapdragon 8 Gen 2 processor a nei bawk. 6.1-inch fullHD+ (2340 x 1080 pixels) Dynamic AMOLED 2X display neiin, 120Hz variable refresh rate, up to 1.750 nits peak brightness neiin, a display hi Gorilla Glass Victus 2 a thuam a ni bawk. A hnungah camera pathum- 50-megapixel primary wide-angle sensor (f/1.8 aperture), 12-megapixel ultra-wide angle camera (f/2.2 aperture) leh 10-megapixel telephoto camera (f/2.4 aperture), 3x optical zoom a nei a, a hmaah selfie atan 12-megapixel sensor (f/2.2 aperture) a nei bawk.
Connectivity-ah chuan 5G, 4G LTE, Wi-Fi 6E, Bluetooth 5.3, Wi-Fi direct, USB Type-C port a support a, IP68 rating neiin dust & water resistance a ni bawk. 3,900mAh battery neiin, 25W wired charging leh 15W wireless charging a support a, 70.9×146.3×7.6mm a lian, gram 168 a rit a ni.
Samsung Galaxy S23+:
Samsung Galaxy S23+ hi operating system, processor, camera leh connectivity-ah Galaxy S23 nen a inang a, 6.6-inch fullHD+ (2340×1080 pixels) Dynamic AMOLED 2x display neiin, 120Hz refresh rate a nei a, a dislay hi Corning Gorilla Glass Victus a thuam a ni. 4700mAh battery neiin, 45W wired charging leh Fast Wireless Charging 2.0 a support a, Wireless PowerShare pawh reverse charging a atan a support bawk. He handset hi 76.2 x 157.8 x 7.6mm a lian, gram 196 a rit a ni.
Samsung Galaxy S23 Ultra:
A model sang ber Samsung Galaxy S23 Ultra pawh hi operating system leh processor bakah connectivity-ah Galaxy S23 nen a inang a, 6.8-inch Edge QHD+ (3088 x 1440 pixels) Dynamic AMOLED 2x Display neiin, 120Hz refresh rate a nei bawk. A hnungah camera pali- 200-megapixel primary wide camera (f/1.8 aperture), 12-megapixel ultra-wide lens (f/2.2 aperture), 10-megapixel telephoto camera (f/2.4 aperture), 3x optical zoom leh 10-megapixel telephoto sensor, 10x zoom support a nei a, a hmaah selfie atan 12-megapixel (f/2.2 aperture) camera a nei bawk.
Galaxy S23 Ultra hian S Pen a support a, 5,000mAh battery neiin, 45W wired charging leh Fast Wireless Charging 2.0, 15W charging speed nei a support a, a series dang ang bawkin Wireless PowerShare a support bawk. He handset hi 78.1 X 163.4 X 8.9mm a lian, gram 234 a rit a ni.