Strasbourg boss thar Vieira

Strasbourg boss thar Vieira Arsenal midfielder hlui Patrick Vieira kha kumin March thlaah Crys-tal Palace chuan banin, khatih lai khan a team enkawl kha point thum chiahin relegation zone hlatah an awm a, club thuneitute’n an boss ring zo loin an petchhuak a, hna vawn nei loa a awm ren rawn hnuah Ligue 1 club RC Strasbourg nen kum thum chhung atan inremna an ziak ve leh ta.
Kum 47-a upa Vieira chuan Racing a zawm theih vanga a hlim thu sawi chungin a club thar sulhnu leh nihna a hriatsa thu leh football-in hmun sang tak a channa bial chhunga awm an nih thu a tarlang tel.
Tunhnai khan Chel-sea neitute chuan Stras-bourg-a chanpual tam ber lei an lo remti tawh a; season liamta khan he club hi French top flight-ah 15-na niin, point ngain relegation zone an hlat.
Vieira hian tunhma pawhin multi-club group an tih ang team hi a lo enkawl tawh a, chu chu City Football Group hnuaia mi New York City FC niin, chumi hmain Manchester City under-23 team a lo hrual tawh bawk.
France ramah hian kum 61 mi Frederic Anto-netti a thlak dawn a; season liamta khan An-tonetti hoin Strasbourg hian division hniama tlak an pumpelh hram a ni.
French international hlui Vieira hian Man-chester City thuam hlipa kum 2011-a inkhelh a chawlh-san hnuin kum 2013 khan City elite development squad behchhanin a coaching career a tan a, kum 2015-ah New York lam-ah kalin MLS club a zawm a, kumthum hnuah Eu-rope-ah kirlehin Ligue 1 side Nice a enkawl.
A season khatnaah Nice chu table-ah pasa-rihna a nihpui a, mahse, an chetchhiat tluan rei deuh avangin December 2020 khan ban a ni.
English top flight a chhuahsan atanga thang-khat lian ral hnu July 2021-ah Premier League bawk pan lehin, Roy Hodgson-a hmunruak luahin Palace manager hna a chelh.
A debut season-ah Eagles chu 12-na nih-puiin, FA Cup lamah Palace chu semi-final a thlenpui bawk.
Kuminah a team a chakpui theih loh avangin March thla khan ban a tawk leh a, an petchhuah laiin a team enkawl chu point thum chauhin Pre-mier League relegation zone chungah an awm.