Clay-court season a zo a, grass season intan chho nghalah grand slam title pathum lai sualchhuak ve tawh Andy Murray chuan chet fuh tak tak ni a la nei thei ta lo tluang zel a, kum hnih liamtaa runner-up a lo nih ve tawhna Stuttgart Open-ah pawh Thawhlehni khan first round paltlang zo loin American Marcos Giron chuan 6-3 6-4-in a vaw tla leh tawh!
Kumina a grass-court season match hmasaber kha Scot tan a career-a singles match 999 a khelhna chiah niin, world number 54 Giron lakah hnehna chang zo lo mah se a kheimit leh hnungzang na thinte pawh an dam fel tawh tih a sawi a, grass hun kal zel tur atan a inpeihchhuak deuh deuh niin a sawi.
Kum 37-a upa ni tawh Murray hian July ni 1 atanga London khuaa khelh tan tur Wimbledon inbuatsaihna dang Cinch Championships khelin karleh hian Queen’s a pan zui leh tur thu a tarlang tel.
World number one hlui Murray hi All England Club men’s doubles-ah a unaupa Jamie Murray nen an inkawp dawn a, hei hi Grand Slam-a an tandun vawikhatna tur a ni ang.
Stuttgart Open-a Murray hnehtu kum 30 mi Giron khan nizan men’s singles second round inkhel pakhatah Briton dang, sixth seed Jack Draper a tum leh.
Stuttgart Open-a tlo lo Murray
Get real time updates directly on you device, subscribe now.
Prev Post
Next Post