Sudanese capital Khartoum ah inbei nasa

Sudanese capital ah chuan paramilitary forces tena army headquarter an beih avangin boruak a tang hle a, ni hnih a zawn zata bei tawhin thlaruk chhung chu indona nasa tak a thleng mek tawh a ni.
Sudan a regular amry leh paramilitary Rapid Support Forces te inbeihna chu karkalta Inrinni atang khan a nasa zual a. Khartoum central a building pawimawh te chu halin a awm zui bawk a.
Building kang zingah hian greater Nile Petroleum Oil Company Tower- Khartoum a building langsar leh pawimawh te khawpui cheimawitu ber pakhata ngaih chu a tel bawk.
Sundan-ah hian April 15 khan army chief Abdel Fattah al-Burhan leh a deputy hlui, RSF commander Mohamed Hamdan Daglo te intihthiamlohna chhuah hnuah buaina chhuakin mi 7,500 chuangin nunna an chan phah tawh tiin Armed Conflict Location & Event Data Project te chuan an sawi.
Mi maktaduai nga chuangin in leh lo an chhuahsan tawh a, Khartoum mipui tam em em na kawtthlerte chu inbeih nan bera hman zui mek a ni.
Karkalta ringawt khan Mayo market a air strike avangin mi 51 in nunna an chan niin United Nations chuan a sawi a, tun indonaa nikhat thil thua nunna chan tam ber tum tiin an sawi bawk.
Khartoum leh western region Darfur chu inbeihna nasat ber berna hmun niin southern Kordofan region ah pawh amry leh RSF te inbeihna nasa takin a thleng tia sawi a ni bawk.