Star stuttler pahnih Kidambi Srikanth leh PV Sindhu-te’n an tumpui ve ve an hneh loh hnuah Sudirman Cup badminton tour-nament khelh mek atangin Thawh-tanni khan India a tla fel.
Suzhou khuaah India hian an Group C match hnihn akhelin, Malaysia lakah 0-5 laiin an tlawm.
A hma ni chiahin India hi Chinese Taipei chuan 4-1-in an lo sawp tawh bawk a, Commonwealth Games champions Malaysia lakah chiang leh zuala zawrin, world mixed team championship-ah India chuan a zawnin group stage a paltlang zo lo.
Srikanth hi men’s singles contest lamah 16-21, 11-21-in world no. 8 Lee Zii Jia lakah a tlawm a; world no. 12 Sindhu hi world no. 30 Goh Jin Wei lakah 21-14, 10-21, 20-22-in a chak lo ve bawk.
Dhruv Kapila leh Ashwini Ponnappa inkawp pawh world no. 8 pair of Goh Soon Huat leh Lai Shevon Jemie lakah minute 35 lek chhungin 16-21 17-21-in an tlawm fel hman.
India match hnuhnung pahnih zinga pakhat zawk men’s doubles-ah world no. 5 Chirag Shetty leh Satwiksairaj Rankireddy tangdun chu 18-21, 19-21-in Aaron Chia leh Soh Wooi Yik lakah an chak lo a; Gayatri Gopichand leh Treesa Jolly thawkdun pawh 15-21, 13-21-in an tlawm ve bawk.
India hi an group-ah pathumna niin, Chinese Taipei leh Malaysia hi top two team ni chungin quarter-final an lut.
Nizan result tarlan hman lohah India hian an Group C match hnu-hnungberah Australia an tum leh.
Sudirman Cup-ah India tlo lo leh
Get real time updates directly on you device, subscribe now.
Next Post