Sum chevel vil uluk turin observer-in bank ho chah

Lok Sabha inthlanpuia Mizorama expenditure observer-a ruat Arvind Sharma chuan Mizorama bank inbun ho aiawhte chu kar kalta Zirtawpni tlai khan a kawm a, inthlan hun chhunga an bank theuha sum che vel vil uluk turin a chah.
Inthlan chhung hian candidate-te leh mipui bank account-a sum chevel rinhlelhawm ‘suspicious activity’ awm thei ang chi chu report vek thin turin bank zawng zawng beisei an ni tih observer hian a sawi.
Inthlan thianghlim leh felfai nei tura bank thawktute an pawimawh thu sawiin, Election Commission of India-in a beisei angin ‘suspicious activity’ chungchang hi nitin report pe thin turin bank ho hi a hrilh a. Nikum MLA inthlanpuia state pakhata cVIGIL app hmanga sum thahnem tak manchhuah a nih dan sawiin, cVIGIL app chu a tul anga hmang tangkai turin a chah bawk.
Thutkhawmah hian Election Expenditure Monitoring Team asst. nodal officer F Lalhruaizela pawh a tel a ni.
Suspicious activity awm theihnaa ngaih turte:
8 RTGS kaltlanga bank account pakhat atanga district /constituency khata mi tam tak account-a sum thawnchhuah (a hmaa chutiang sum inthawnchhuah la awm ngai lo)
8 Candidate emaw a affidavit-a a tarlana kawppui emaw amaha innghat/ chenpui (dependent) te account-a cheng nuai khat aia tam thunluh leh lakchhuah
8 Inthlan hun chhunga political party account-a sum lut leh chhuak cheng nuai khat aia tam
8 Voter-te thamna ni thei awm anga lang, cash transaction rinhlehawm dang reng rengah
8 Bank account cheng nuai khat aia tam lakchhuah emaw dah luh (a hma thla hnih chhunga chutiang transaction la awm ngailo)