Sumdawng pawlten GST zir

Sumdawng pawlten GST zir
National Academy of Customs Indirect Taxes and Narcotics (NACIN) Shillong leh CGST Commissionerate Aizawl tangdun chuan ‘Certificate Course on GST Sahyogis’ chu Thawhtanni atang khan Aizawlah an buatsaih tan.
Training hi NACIN Shillong addl. director general L Beimopha, IRS chuan a hawng a. Central GST officer-te leh tualchhung sumdawng pawl – Mizoram Chamber of Commerce leh Mizoram Merchant Association hruaitute an tel.
Tualchhung sumdawng pawl hrang hrang atanga thlanchhuah leh GST practitioner, mi 32 hnenah GST chungchang zirtir an ni dawn a. A hawnnaah L Beimopha chuan GST Sahyogis certificate course training an zawh hunah chuan GST chungchang leh GST pe thin (taxpayer) in an chhawr tangkai theiha inbuatsaih turin a chah.
Kar hnih awh tur training-ah hian Mizoram pawn atanga mithiam Guwahati, Kolkata, Dimapur, Shillong leh Chennai atanga lokal ten GST chungchang an zirtir dawn a. Training chhuakte chu certificate hlan a ni ang.