Super Bowl halftime show-ah Ed Sheeran kan hmuh hmel loh

Rimawi khawvela hriathlawh ber pawl, hlaphuah thiam leh zaithiam, Ed Sheeran hi khawvel-a live performance stage ropui ber pawla an chhiar Super Bowl halftime show-ah a inlan ve a rinawm ta lo. He show-a inlan hi chuti takin a chak lo tlat, stadium chhung boruak chawk tho zo dawnin a inhre lo!
Andy Cohen nen an inkawmnaah Cohen chuan Ed Sheeran hi Super Bowl a inlan lam te a ngaihtuah ve tawh em, tiin a zawt a. Ed Sheeran chuan, “Engtim emaw lai khan sawi thawi deuh te chu a awm ve a- Coldplay an inlan tum kha ni tain ka hria. An zingah tel ve a ‘Thinking Out Loud’ play tur ang deuh khan. Khatiang deuh kha chuan ka ti ve mah na, midang va zawm ve ang chauhin,” a ti.
Sheeran chuan Super Bowl stage han nghawr nghing tur chi ni a a inhriat loh thu sawiin, “Prince che lai kan en tawh a, Michael Jackson pawh kan hmu tawh a, Katy Perry, Lady Gaga, Rihanna, Beyonce te pawh performance ropui leh hmuhnawm pawh kan en tawh. Khatiang kha ka ni ve lo. Stage-ah lamthiam rual ka chhawp chhuak ve dawn lo a, The Weeknd te angin stage-ah firework kan dah ve dawn lo. Chutiang chu ka ni ve lo. Super Bowl-a che ve tur hi chuan tuman min hmuh chak pawh ka ring lo,” a ti bawk.