Super Cup Awards:
-- Advertisement --
Winners
Odisha FC (Rs. 10,00,000)
Runners-up
Bengaluru FC (Rs 5,00,000)
Player of the Tournament
Diego Maurício (OFC) – Rs 2,50,000
Top Goalscorer of the Tournament
Wilmar Jordan Gil (NEUFC)-
7 goals
Best Goalkeeper of the Tournament
Amrinder Singh (OFC)
Fair Play Award
Aizawl Football Club
Super Cup-ah Mizo tamna Odisha champion
Thawhlehni zan Super Cup final-ah Odisha FC chuan 2-1-a Bengaluru FC hnehin an club chanchina a vawikhatna atan title an hlawhchhuak.
He team-ah hian Mizo player pasarih tehreng -Lalthuammawia Ralte (goalkeeper), Lalruatthara (left-back), Paul Ramfangzauva (defensive mid-fielder), CVL Remtluanga (mid-fielder), Issac Vanmalsawma (attacking midfielder), Jerry Mawi-hmingthanga (right winger) leh Isak Vanlalruatfela (right winger)-te an khel a, Mizote’n Odisha FC an champion-pui a tih theih ang!
2023 Super Cup final hi Kerala tuifinriat ram khawpui Kozhikode-a EMS Corporation Stadium-ah khelin, Brazilian Diego Mauricio chuan first half-ah Odisha chakna goal hnih ni zui ta a khung a; Sunil Chhetri chuan hun tawp hnaih minute 84-ah penalty atangin Bengaluru siphurh pakhat sut then ve bawk mah se India national team captain goal khat tihluh hian a team tlawm tur a chhan zo lo.
Odisha FC head coach Clifford Miranda chuan history thar siamin Indian coach zinga Super Cup champion hmasaber a ni.
Bengaluru FC hian tun season-ah a vawithumna atan final match an khel a; inkhel tan laiin ruahin tibuai mah se harsatna lian a thlen zui lo.
Blues hian hun pumin ball chang tam zawk mah se goal thun lamah harsatna an tawk tlat a; chutih laiin an game khelh hnuhnung pahniha first half chhunga goal hnih chhuah ve ve Odisha lamin an club din hnua final an luh vawikhatnaah bul an tan fuh hmasa zawk a, chawlhlawk hmaa an goal hnih sualchhuah hmangin an club chanchina hnehna lian ber an sualchhuak ta a ni.