Surfer upa ber Seiichi Sano

Kum 89 mi a ni tawh nain a la in-fit zek zawk hle a, tui chungah a la tleng ziai ziai thei a, Guinness World Records chuan khawvela surfer upa berah an puang.
Seiichi Sano, kum 89, Japanese a ni a, nikum July ni 8 khan Guinness World Records chuan khawvela surfer upa berah an puang a, chutih lai chuan kum 88 leh ni 288 a upa a ni tawh a, kum 89 a tlin hnuah pawh tui chungah hian a la tleng ziai ziai thei a ni.
Sano chuan kum 80 mi ni a Japana tlang sang leh hmingthang Mount Fuji a lawm hnu lawkah surfing hi a tuipui ve tan niin a sawi a, “Bank manager pakhat, vun nisa en uk khak mai nen hna kan thawk dun thin a. A tirah chuan golf khel thin a nih ka ring a, mahse, ka han zawh takah chuan, zawi sup hian ‘Ka surf thin,’ a ti ta a ni,” a ti.
Chutia a thawhpuiin surfing a tih thin hnu a hrilh atanga ni thumnaah Sano pawh a vawi khat nan a surf ve nghal a, a vawi khat tih chhinna atangin a tuipui nghal niin a sawi. “Miten surfing hi a hlauhawm a, chetsual palh te min hlauhthawn pui a, mahse, surfboard-a chuan aia thil hlauhawm zawk fê fê hi car-a ka chuannaah ka tawng tawh,” a a ti.